Uko wahagera

Anketi ku Rupfu rw’Umunyamakuru Jamal Khashoggi Yatangiye


Ifoto y'ikinyamakuru kiriko ifoto ya Jamal Khashoggi

Itsinda ryigenga ry’abahanga batatu ryashyizweho n’umuryango w’abibumbye ryatangiye anketi mpuzamahanga ku rupfu rw’umunyamakuru Jamal Khashoggi wakomokaga muri Arabiya Sawudite.

Batangiriye akazi kabo muri Turkiya aho baganiriye na minisitiri w’ububanyi n’amahanga w’iki gihugu, Mevlüt Çavuşoğlu, nk’uko uyu nyiri ubwite yabitangaje kuri Twitter.

Abagize itsinda riyobowe n’Umufaransakazi Agnes Callamard, usanzwe akuriye ishami rya ONU rigenzura ibyaha bw’ubwicanyi bunyuranije n’amategeko, bazaguma muri Turkiya kugera ku wa gatandatu.

Mu bategetsi ba Turkiya bazahura harimo n’umushinjacyaha mukuru wa Istanbul aho Jamal Khashoggi yiciwemo ku italiki ya 2 y’ukwezi kwa cumi gushize.

Agnes Callamard yasabye leta y’Arabiya Sawudite kubonana n’ambasaderi wayo muri Turkiya no kujya gukomeza anketi muri Arabiya Sawudite nyirizina, ariko nta gisubizo arabona.

Inzego z’iperereza za Leta zunze ubumwe z’Amerika ryashikirije ko igikomangoma uzaba umwami w’Arabiya Sawudite, Mohammed bin Salman, ashobora kuba afite uruhare mu iyicwa rya Khashoggi. Ibwami muri Arabiya Sawudite bo barabihakana.

Facebook Forum

XS
SM
MD
LG