Uko wahagera

Ihurizo ry'Uko Umunyamakuru Jamal Khashoggi Yishwe


Iyi ni ifoto yafashwe tariki 2/10/2018 yerekana uko umunyamakuru Jamal Khashogi yageze kuri konsula y'Arabiya Sawudite

Urupfu rw’umunyamakuru Jamal Khashoggi ruracyari amayobera. Amashusho mashya yasohowe na polisi y’igihugu cya Turkiya arerekana umukozi w’inzego z’umutekano z’Arabiya Sawudite asohoka muri konsula y’iki gihugu i Istanbul yambaye imyenda imeze neza neza nk’iya Khashoggi. Nk’uko Turkiya ibisobanura, uyu muntu yari agamije kwiyoberanya ngo yerekane ko Khashoggi yasohotse muri konsula ku italiki ya 2 y’uku kwezi.

Abategetsi b’Arabiya Sawudite babanje kuvuga ko Khashoggi koko yasohotse, ariko ko batari bazi aho yazimiriye nyuma yaho. Hashize ibyumweru bibili, baje kwemera ko yiciwe muri konsula yabo i Istanbul, nk’uko Turkiya yamye ibivuga.

Kugeza ubu, umurambo wa Khashoggi nturaboneka. Perezida wa Turkiya, Recep Tayyip Erdogan, arateganya kuvuga birambuye ku rupfu rwa Jamal Khashoggi ejo kuwa kabili mu ijambo azavugira imbere y’inteko ishinga amategeko ye.

Facebook Forum

XS
SM
MD
LG