Radio

Amakuru mu Gitondo (0330-0400 UTC): Amakuru agezweho mu Rwanda, mu Burundi, muri Afurika no hirya no hino kw’isi. Ijwi ry’Amerika kandi ribagezaho n’ibiganiro birambuye ku byabaye iwanyu aho mutuye, hafi y’aho mukorera ndetse no ku mashuri yanyu.

Iwanyu mu Ntara (1100-1130UTC): Kuri uyu wa Kane: Urwego rw’Igihugu rw’Ubugenzacyaha mu Rwanda (RIB) ruratangaza ko rwataye muri yombi Nsengimana Théoneste ufite umuyoboro wa YouTube witwa Umubavu TV. Uyu yatanywe muri yombi n’abandi bantu batanu. Uru rwego ruvuga ko bose bakurikiranweho icyaha cyo gutangaza amakuru y’ibihuha. Perezida Paul Kagame yatangaje ko ingabo z'u Rwanda ziri mu ntara ya Cabo Delgado mu gihugu cya Mozambike ubu zigera hafi ku bihumbi 2. Muri Repuburika ya demokarasi ya Congo abaturage bane barimo umugore umwe, baguye kurinuyu wa gatatu mu bitero abarwanyi ba Mai Mai Yakutumba bagabye mu mihana itandukanye y’abaturage b’Ababanyamulenge batuye mu Bibogobogo

Ikiganiro umuvugizi w’ingabo z’u Rwanda, Colonel Ronald Rwivanga, yagiranye n’Umunyamakuru Eddie Rwema w’Ijwi ry’Amerika ku ruhare rw’ingabo z’u Rwanda mu butumwa bwo kubungabunga no kugarura amahoro mu bihugu bitandukanye.

Amakuru y'Akarere (1600-1630 UTC): Kuri uyu wa Kane: Mu Rwanda, urwego rw’Igihugu rw’Ubugenzacyaha, RIB, rwataye muri yombi umunyamakuru Nsengimana Théoneste ufite umuyoboro wa YouTube witwa Umubavu TV, n’abandi bantu batanu. RIB ivuga bakurikiranweho icyaha cyo gutangaza amakuru y’impuha. Umukuru w'igihugu cy'u Rwanda, Paul Kagame avuga ko abasilikare be bagera ku bihumbi bibiri ari bo bari mu ntara ya Cabo Delgado muri Mozambique. Yabitangarije mu kiganiro yagiranye n’umunyamakuru Steve Clemons w'ikinyamakuru The Hill cyo muri Leta zunze ubumwe z’Amerika.

Ingingo nkuru zigize amakuru yo ku mugoraba wa 14/10/2021 kw'Ijwi ry'Amerika: Uburundi bwakiriye incanco za mbere za Covid-19. Mu burasirazuba bwa Kongo, umuntu wa kabiri yanduye Ebola. Irya no hino kw'isi, Turukiya Igiye Kwagura Ubucuruzi bw'indenge z'intambara zitagira abadereva