Uko wahagera

RDC: Ramazani Shadary ni Kandida w'Ishyaka rya Kabila


Emmanuel Ramazani Shadary, ni we uziyamamaza nk'umukandida w'ishyaka rya PPRD rya Perezida Joseph Kabila

Muri Repubulika iharanira demokarasi ya Congo, Perezida Joseph Kabila, w’imyaka 47 y’amavuko, ntaziyamamariza amatora y’umukuru w’igihugu yo mu kwezi kwa 12 gutaha nyuma ya manda ebyiri yari yemerewe n’amategeko.

Yahisemo Emmanuel Ramazani Shadary kugirango abe ari we uzahagararira ishyaka ryabo n’ayo bafatanije gukora icyo bise “Front commun pour le Congo.”

Umuvugizi wa guverinoma akaba na minisitiri w’itumanaho, Lambert Mende, yabitangaje mu kiganiro yagiranye n’abanyamakuru. Yasobanuye ko Ramazani Shadry yahise yihutira kujyana muri komisiyo y’igihugu y’amatora ibya ngombwa bya kandida. Komisiyo yatangaje ko isaha ntarengwa yo kwakira ibya ngombwa kuri buri wese ari saa kumi n’igice ku isaha ya Kinshasa, saa kumi n’imwe n’igice ku isaha yo mu Burundi no mu Rwanda.

Ramazani Shadary afite imyaka 57. Ari mu ishyaka PPRD rya Perezida Kabila. Yabaye minisitiri w’intebe wungirije, minisitiri w’ubutegetsi bw’igihugu n’umutekano. Ari mu bategetsi ba Kongo Ubulayi bwunze ubumwe bwafatiye ibihano mu 2017 bubarega guhutaza uburenganzira bw’ikiremwamuntu.

Facebook Forum

XS
SM
MD
LG