Uko wahagera

Indege za Etiyopiya Zongeye Kuguruka muri Eritrea Inyuma y'Imyaka 20


Bamwe mu ngenzi bishimiye kongera gufata ingendo hagati ya Eritrea na Etiopiya

Indege ya mbere y’abagenzi mu myaka 20 ishize uyu munsi yahuje Addis-Abeba na Asmara, imirwa mikuru ya Ethiopia na Eritrea. Yahakoresheje isaha n’igice.

Mu ngenzi harimo uwahoze ari minisitiri w’intebe wa Ethiopia, Haliemariam Desalegn. Leta ya Erithrea yamuramburiye igitambaro cy’umutuku nk’umukuru w’igihugu kuva ku ndege ageze Asmara, nk’uko umunyamakuru w’intumwa y’ururimi rwa Tigrinya, rimwe mu mashami y’Ijwi ry’Amerika, yabibonye.

Kuri Twitter, ikigo cy’ubwikorezi bw’indege cya Ethiopia, Ethiopian Airlines, kise iyo ndege yacyo “inyoni y’amahoro.” Indege ya kabili yayikurikiye nyuma y’iminota 15 kubera abagenzi bari benshi. Izi ngendo ziri mu rwego rwo kunoza umubano hagati ya Ethiopia na Eritrea.

Eritrea yari intara ya Ethiopia, iza kubona ubwigenge mu 1993 nyuma y’intambara yamaze imyaka, ihitana abantu barenga ibihumbi 70. Kuva icyo gihe barebanaga ay’ingwe gusa. Umubano utangiye kuba mwiza biturutse ku cyemezo cya minisitiri w’intebe mushya wa Ethiopia, Abiy Ahmed.

Facebook Forum

XS
SM
MD
LG