Uko wahagera

Imitwe ya Politiki Yakuwe mu Mitwe y’Iterabwoba muri Etiyopiya


Umushikiranganji wa mbere wa Ethiopia aheruka kugenwa Abiy Ahmed ashikiriza ijambo mu bashingamateka i Addis Abeba, Ethiopia itariki 19/04/2018.
Umushikiranganji wa mbere wa Ethiopia aheruka kugenwa Abiy Ahmed ashikiriza ijambo mu bashingamateka i Addis Abeba, Ethiopia itariki 19/04/2018.

Inteko ishinga amategeko ya Ethiopia yatoye umwanzuro wo gukura ku rutonde rw’imitwe y’iterabwoba imitwe itatu ya politiki. Yari yabisabwe na minisitiri w’intebe, Abiy Ahmed, mu cyumweru gishize.

Uwa mbere ni Front de Liberation Oromo. washinzwe mu 1973. Uharanira ubwigenge bw’abo mu bwoko bwa Oromo. Uwa kabili ni Front de Liberation Nationale de l’Ogaden. Washinzwe mu 1984.

Iharanira ubwigenge bw’intara ya Ogaden. Uwa gatatu witwa Ginbot 7. Washinzwe mu 2008. Uharanira demokarasi. Ginbot 7 bivuze italiki ya 15 y’ukwezi kwa gatanu, italiki yo mu 2005 yabayeho amatora, yateye imyivumbagatanyo yahitanye abantu bagera kuri 200.

Umuyobozi w’imilimo mu biro bya minisitiri w’intebe, Fitsum Arega, yasobanuye ko icyemezo cya leta kizatuma iyi mitwe itatu ikora politiki mu nzira z’amahoro.

Yavuze kandi ko guverinoma irimo itegura umushinga w’itegeko ritanga imbabazi ku bantu n’imitwe bakatiwe n’inkiko baregwa kurwanya leta bakoresheje intwaro n’ibyaha byo guhungabanya inzego zimewe n’itegeko nshinga.

Mu minsi ishize, leta yafunguye abanyururu ibihumbi, bari barafunzwe n’itegeko rirwanya iterabwoba. Yahanaguye ibyaha kandi ku muyobozi wa Ginbot 7, Berhanu Nega. Mu 2009, yari yarakatiwe urwo gupfa adahari.

Hagati aho, guverinoma ya Ethiopia yirukanye ku milimo yabo abayobozi ba za gereza batanu, barimo umuyobozi mukuru w’urwego rushinzwe gereza zose z’igihugu.

Iki cyemezo cyafashwe mbere gato y’uko Human Rights Watch itangaza ibikorwa by’iyicarubozo bikorerwa muri gereza zimwe na zumwe za Ethiopia.

Facebook Forum

XS
SM
MD
LG