Umushikiranganji wa Reta zunze ubumwe za Amerika, ajejwe imigenderanire n’amakungu, Antony Blinken, ari mu rugendo muri Etiyopiya. Inyuma y’aho azoca aja muri Nijeri mu ndwi iza. Ni urugendo akoze mu gihe reta ya Prezida Joe Biden iriko irakora ibishoboka ngo izibire Ubushinwa buriko burubaka igihagararo ku mugabane wa Afrika.
Ubushikiranganji bwa Amerika bw’imigenderanire buvuga ko Blinken agiye muri Etiyopiya kuganira ku masezerano y’amahoro yarangije intambara mu ntara ya Tigreya. Muri Nijeri agiye mu twigoro two kurwanya iterabwoba ry’intagondwa z’umuhari wa reta ya kiyisilamu no mu karere ka Sahel muri rusangi.
Blinken ategekanya kubonana n’abategetsi ba reta ya Etiyopiya n’aba Tigreya. Abaye kandi umushikiranganji wa mbere w’imigenderanire wa Amerika agendeye Nijeri.
Urugendo rwiwe rubaye urwa kane rukozwe n’abategetsi bakuru ba reta ya Prezida Biden muri Afrika muri uyu mwaka. Akurikiye umushikiranganji w’ikigega, Janet Yellen, ambasaderi wa Amerika muri ONU, Linda Thomas-Greenfield, hamwe n’umutambukanyi wa prezida, Jill Biden, baheruse kugendera uwo mugabane.
Facebook Forum