gahunda y'itangazamakuru

Imiriro y'inkazi imaze guhitana abantu babiri muri California. Abantu barenga 60 barishwe mu bwicanyi bushingiye ku moko muri Etiyopiya.

Umushikiranganji wa mbere w'Uburundi Alain Guillaume Bunyoni yakombowe mu mabanga yiwe. Inama nshingamateka yemeje ijana kw'ijana Gervais Ndirakobuca nk'umushikiranganji wa mbere. I Kigali hakoraniye inama igamije kwiga ku iterambere ry'ubuhinzi no kwihaza mu biribwa ku mugabane w'Afurika.

Mu kiganiro Murisanga c’uno musi cerekeye amagara y’abantu, turihweza ingwara y'igisukari canke diabetes uko iteye, n’ivyo umuntu akwiye gufungura canke kwirinda.

Jenerali wa Polisi Gervais Ndirakobuca yemejwe n’inama nshingamateka y'Uburundi nk’umushikiranganji wa mbere w’ico gihugu. Asubiriye Alain Guillaume Bunyoni "Yari afise umugambi wo gutembagaza ubutegetsi bwa prezida w'Uburundi.'

Inzego z’umutekano, igipolisi n’inyamiramabi zahinduwe mu gihugu cose c'Uburundi. Hahinduwe kandi abajejwe ububiko bw’ibirwanisho mu gipolisi. Bamwe muri izo nzego bemeza ko abahinduwe ari abari bashigikiye uwahora ari umushikiranganji wa mbere Alain Guillaume Bunyoni yakuwe mu mabanga yiwe.