Radio

Amakuru mu Gitondo (0330-0400 UTC): Perezida wa Repubulika y'u Rwanda, Paul Kagame, uyu munsi arasoza uruzinduko rw'iminsi ibiri mu mujyi wa Pemba, umurwa mukuru w'intara ya Cabo Delgado, mu majyaruguru ya Mozambique. Hari harigaruriwe n'abajihadisiti. U Rwanda rwoherejeyo abasirikare n’abapolisi igihumbi gutera inkunga ingabo za Mozambique kuhabohoza. Perezida ejo yasuye izi ngabo abereye umugaba w'ikirenga. Muri iyi minsi, ibitero bya gerenade bimaze kuba byinshi mu Burundi. Icya nyuma, mu ijoro ryakeye ejo kuwa gatanu, cyahitanye iwe i Bujumbura umutegarugoli w'umusirikare mukuru wo mu ngabo z'igihugu, Colonel Aaron Ndayishimiye, n’umukozi we.

Umuziki (0400-0430 UTC): Injyana zigezweho ndetse n'abakunzi basaba indirimbo bifuza ni uburyo Ijwi ry'Amerika ribanogera muri wikendi.

Murisanga (1400-1500 UTC): Murisanga itumira umutumirwa, cyangwa abatumirwa kugirango baganire n'abakunzi ba Radiyo Ijwi ry'Amerika. Aha duha ijambo abantu bifuza kuganira n'abatumirwa bacu, batanga ibisobanuro ku bibazo binyuranye bireba ubuzima bw'abantu.

Amakuru y'Akarere (1600-1630 UTC): Colonel Theoneste Bagosora yitabye Imana. Byemejwe n'abo mu muryango we bari bamurwaje muri Mali aho yarangirizaga igihano yakatiwe n'urukiko mpuzamahanga mpanabyaha rwashyiriweho u Rwanda Perezida Paul Kagame w'u Rwanda yatangarije i Maputo muri Mozambique ko ingabo z'u Rwanda zizaguma muri Mozambique mu gace zoherejwemo zigafasha mu bikorwa byo kugasana zicunga umutekano w'abahatuye Perezida Evariste Ndayishimiye arategura inama rukokoma igamije gushishikariza Abarundi batuye mu mahanga gushora ubumenyi n'imitungo mu Burundi