Uko wahagera

Perezida wa Ukraine Ahakana ko Trump Yamushyizeho Igitutu


Perezida wa Ukraine Volodymyr Zelenskiy

Perezida wa Ukraine, Volodymyr Zelenskiy, yavuze ko Perezida Donald Trump wa Leta zunze ubumwe z’Amerika atigeze amushyiraho igitutu mu kiganiro bagiranye mu kwezi kwa karindwi. Icyo kiganiro ubu ni cyo kivugwaho cyane mu iperereza ku byaha Perezida Donald Trump akekwaho byatuma aregwa, akaburana, yahamwa n’ibyaha agakurwa ku butegetsi.

Zelensky yabwiye abanyamakuru ko igihe bavuganaga kuri telephone atari azi ko Trump yari yahagaritse imfashanyo ya gisirikare ibarirwa muri miliyoni z’amadolari y’Amerika yari igenewe Ukraine.

Perezida Trump yari yavuze ko icyo cyemezo yagifashe mu rwego rwo kotsa igitutu Ukraine ngo ihoshe ikibazo cya ruswa. Abademocrate bashinja Perezida Trump gufatira iyi mfashanyo mu rwego rwo kotsa igitutu ubutegetsi bwa Perezida Zelensky ngo bukore iperereza ku mukandida Joe Biden n’umuhungu we Hunter.

Ni nako byari byavuzwe n’umuntu watanze amakuru yerekeye icyo kibazo byongera kugaragara mu mpapuro ziriho amagambo y’ikiganiro bombi bagiranye, zatanzwe n’ibiro bya Perezida w’Amerika. Trump yavuze ko nta kosa yigeze akora, ko ikiganiro yagiranye na Zelensky cyari ikiganiro gikwiriye.

Facebook Forum

XS
SM
MD
LG