Uko wahagera

Senateri Tim Scott, Umukandida wa Gatandatu mu Mugambwe w'Abarepuburikane mu Matora yo mu 2024


Senateri Tim Scott

Kuri uyu wa mbere muri Leta zunze ubumwe z'Amerika, Senateri Tim Scott yatangiye ku mugaragaro kwiyamamariza umwanya w'umukuru w'igihugu.

Tim Scott afite imyaka 57 y’amavuko. Ni we Musenateri wenyine w’Umwirabura wo mu ishyaka ry’Abarepubulikani. Akomoka muri leta ya South Carolina, iri mu majyepfo y’uburasirazuba bwa Leta zunze ubumwe z’Amerika.

Abaye kandida wa gatandatu mu ishyaka ryabo. Uzwi cyane muri bo ni Donald Trump wabaye umukuru w’igihugu manda imwe y’imyaka ine kuva mu 2017 kugera mu 2021.

Amatora y’amajonjora azaba kuva mu kwezi kwa kabiri kugera mu kwa gatandatu 2024 mu ishyaka imbere. Azavamo kandida umwe uzarihagararira mu matora y’umukuru w’igihugu mu kwezi kwa 11, 2024. Aho bahagaze muri iyi minsi, Trump ni we uhabwa amahirwe cyane kure imbere y’abandi, n’ubwo afite ibibazo mu nkiko mpanabyaha.

Mu ishyaka ry’Abademokarate, abakandida bamaze kumenyekana ni batatu, barimo Perezida Joe Biden. Naryo rizakoresha amatora y’amajonjoro kuva mu kwa kabiri kugera mu kwa gatandatu 2024. VOA News

Facebook Forum

XS
SM
MD
LG