Abanyeshure hafi 30 bo muri Kolegi baheruka kunyuruzwa n’abitwaje ibirwanisho babakuye mw’ishure haraheze amezi abiri mu buraruko bushira ubuseruko ubu baridegemvya, abategetsi ba reta yabo babivuze kuri uyu wa gatatu.
Inyuruzwa ry’abo banyeshure muri reta ya Kaduna mu kwezi kwa gatatu, ryari mu yandi manyuruzwa kivunga akorerwa mu mashure n’amakaminuza muri Nijeriya kuva mu mwaka uheze.
Abanyeshure 10 muri 39 bari baranyurujwe batowe n’abajejwe umutekano mu ndwi zakurikiye. Ariko irengero rya 29 bari basigaye nturyari rizwi.
Igiporisi co muri reta ya Kaduna ariko nticavuze ingene abo banyeshure barekuwe hamwe n’uko amagara yabo yifashe.
Facebook Forum