Abatari bake barahitanywe n’igihuhusi caciye mu ma Reta atandukanye yo mu bumanuko no mu burengero bwa Reta zunze ubumwe z’Amerika. Ico gihuhusi casenyuye inyubakwa zitari nke.
Buramatari wa Reta ya Kentucky imwe mu ma Reta yasinzikaye cane, yavuze ko muri iyo Reta abapfuye ari n’imiburiburi 100. Buramatari Andy Beshear yabwiye abamenyeshamakuru ko ico gihuguhusi co ku wa gatanu ari co ca mbere cononye vyinshi mu mateka ya Kentucky.
Igihuhusi co ku wa gatanu caciye mu ma Reta atanu: Arkansas, Illinois, Kentucky, Missouri, na Tennessee. Abategetsi b’ayo ma Reta bavuze ko abo cahitanye bashobora kuba barenga na kure abamaze gutangazwa.
Facebook Forum