Kuri uyu wa Gatandatu, Ubushinwa bwatangaje ko butangira gushyira mu bikorwa amasezerano bufitanye na Irani yo gukomeza ubufatanye mu bya politike n'ubukungu. Ibi bibaye mu gihe Ubushinwa bukomeje kwamagana ibihano Amerika yafatiye Irani.
Umwaka ushize Ubushinwa na Irani byasinyanye amasezerano nyuma y'ibiganiro ibihugu byombi byari bimazemo imyaka. Aya masezerano arimo ubufatanye mu by'ingufu, umutekano, ibikorwa remezo n'itumanaho.
Itangazo ryasohowe na ministeri y'ububanyi n'amahanga y'Ubushinwa ryavuze ko ministri w'ububanyi n'amahanga w'icyo gihugu Wang Yi na mugenzi we Hossein Amir-Abdollahian wa Irani, batangarije mu nama bagiriye ejo i Wuxi mu burasirazuba bw'Ubushinwa ko ibihugu byombi bigiye gutangira gushyira mu bikorwa aya masezerano.
Facebook Forum