Ubuserukizi bw’Ubufaransa i Addis Abeba mw’ikete bwandikiye Abafaransa bose baba muri Etiyopiya bwabasavye kwitegura bagasubira iwabo bidatevye, bwongera buvuga ko bwiteguriye kubatahana.
Ambasade y’Ubufaransa i Addis Abeba isigura ko ino ngingo yayifashe ku mvo z’umutekano mu gihe impande zishamiranye ziriko zitera zegereza umurwa mukuru wa Etiyopiya.
Ibindi bihugu bimaze gusaba abanyagihugu bavyo kuva muri Etiyopiya ni Reta Zunze Ubumwe z’Amerika n’Ubwongereza. Afurika y'Epfo na Kenya vyasabye impande zishamiranye muri Etiyopiya guhagarika ingwano.
Facebook Forum