Uko wahagera

Covid-19: Abarwaye Cane muri Afurika y'Epfo ni Abatacandazwe


Zimwe mu ndembe za Covid-19 zirwariye ku bitaro biri mu gisagara ca Pretoria muri Afurika y'Epfo

Afurika y’epfo, ikomeje kubona abantu barwaye cyane COVID-19 mu bantu batikingije, n’abanyantegenke muri ibi bihe by’inkubiri ya virusi nshya, Omicron. Umuganga w’inzobere mu ndwara z’ibihaha, uyu munsi ku wa kane yavuze ko akomeje kubona abantu barembye kubera COVID-19, mu bantu batafashe inkingo cyangwa abasanzwe bafite ibindi bibazo by’ubuzima, muri iki gihe, hakwirakwira ubwandu bwatijwe umurindi n’ubwoko bushya bwa virusi ya corona, yihinduranyije, izwi kw’izina rya Omicron.

Inzobere mu by’indwara zo mu bihaha, Anita Graham, yabibwiye ibiro ntaramakuru byo mu Bwongereza, mu nama yateguwe n’ibiro by’ishami rya ONU ryita ku buzima OMS muri Afurika, agira ati: “Turacyabona abantu bafite ubwandu bamerewe nabi kandi turinjiza ibitaro abarwayi batakingiwe n’abandi bari basanganywe izindi ndwara kandi aba barimo n’abaturage bageze mu zabukuru”.

Facebook Forum

XS
SM
MD
LG