Uko wahagera

Covid 19: Afurika y'Epfo Yemeje Inyunganizi y'Urukingo rwa Johnson & Johnson


Muri Afurika y’Epfo, urwego rushinzwe amategeko ajyanye n'iby'ubuzima rwemeje ko urukingo Johnson & Johnson rwa COVID-19 rukoreshwa incuro ebyiri, mu buryo bwo kwongerera ingufu urwa mbere.

Afurika y’Epfo yari yatangaje muri uku kwezi kwa 12 ko irimo kwitegura guha rubanda urukingo rwo kwongerera ingufu umubiri rwa Pfizer (PFE.N) na Johnson & Johnson (J&J), ariko ntibavuze igihe urukingo Johnson & Johnson rwo gutanga bwa kabiri, ruzabonekera.

Ubuyobozi bushinzwe imiti muri Afurika y’Epfo (SAPHRA) bwavuze, mw’itangazo bwashyize ahagaragara uyu munsi kuwa kane, ko bwemeje ko doze ya kabiri y’urukingo Johnson & Jonson ikoreshwa nyuma y’ukwezi byibura umuntu yaramaze guhabwa urukingo rwa mbere, rwaba urwa Johnson & Johnson cyangwa urundi rukingo rwemewe rwa COVID-19.

Urukingo rwa kabiri rwa Johnson & Johnson kugeza ubu ruraboneka gusa ku bakozi bo mu buvuzi, mu gihe inkingo za Pfizer biteganyijwe ko mu kwezi kwa mbere zizagezwa ku bantu bazaba bamaze amezi atandatu kujyana hejuru bahawe doze ya kabiri.

Afurika y’Epfo yifashishije ayo masosiyeti uko ari abiri mu bijyanye n’inkingo, muri gahunda yayo y’ikingira, aho mu ntangiriro z’uku kwezi yari imaze guha 44 kw’ijana by’abantu bakuru byibura doze imwe y’urukingo rwa COVID-19.

Uwo mubare uruta kure uw’ibindi bihugu byinshi by’Afurika. Ariko ni na muto ku bijyanye n’intego y’umwaka guverinema yihaye.

Reuters

Facebook Forum

XS
SM
MD
LG