Abasirikare badasanzwe ba Reta zunze ubumwe za Amerika bishe umutegetsi mukuru muri Al Shabab n’abandi barwanyi 10 bawo mu buraruko bwa Somaliya.
Umushikiranganji wo kwivuna abansi wa Amerika Lloyd Austin yavuze ko ico gitero cabereye mu misozi ya Somalia catumbereye Bilal al-Sudani, yafasha mu gutororokanya uburyo bw’amafaranga yo gukora ibikorwa vy’iterabwoba.
Prezida Joe Biden mu ndwi iheze yaramenyeshejwe imyiteguro y’ico gitero cari kimaze amezi citegurirwa. Yatanze uburenganzira muri iyi ndwi abisabwe n’umushikiranganji wo kwivuna abansi Austin hamwe n’umugaba w’ingabo za Amerika Gen. Mark Milley, nkuko bivugwa n’abategetsi babiri bo muri reta ya Amerika.
Ubushikiranganji bwo kwivuna abansi bwavuze ko ata musivile yahasize ubuzima canke ngo akomereke muri ico gitero.
Facebook Forum