Guverinoma ya Mali imaze kunanirwa kwishyura imyenda yayo kubera ibihano bya CEDEAO, umuryango w'ubukungu w'Afrika y'uburengerazuba. Kuva ku itariki ya 31 y'ukwezi kwa mbere gushize, Umoa-titres yandikiye amabaruwa atanu ibigo by'ishoramari isobanura ko Mali itagishoboye kwishyura imyenda yayo. Ubu yose hamwe imaze kugera kuri miliyari 53 y'ama-CFA, ni ukuvuga amadolari arenga miliyoni 91,6.
Umoa-titres ni urwego rushinzwe gucunga ibirebana n'imyenda mu muryango wa Uémoa (Union monétaire ouest-africaine), ugizwe n'ibihugu umunani bikoresha ifaranga CFA, ari byo Côte d'Ivoire, Sénégal, Togo, Burkina, Mali, Guinée-Bissau, Niger na Bénin.
Umoa-titres isobanura ko ibibazo byo kwishyura bya Mali byatewe n'ibihano bikarishye abakuru b'ibihugu bya CEDEAO bayifatiye nyuma ya kudeta ya Colonel Assimi Goïta mu kwezi kwa gatanu mu mwaka ushize.
CEDEAO yahagaritse urujya n'uruza rw'imali hagati y'abanyamuryango bayo na Mali. Yafatiriye kandi n'imali ya Mali iri muri banki nkuru z'umuryango, no muri banki z'ubucuruzi zo mu bihugu biwugize.
Facebook Forum