Uko wahagera

OMS Isaba Ibihugu Kudakuraho Ingamba za Covid-19


Uyu ni umukozi wo mu by'ubuvuzi witegura gusuzuma Covid-19.

Ishami ry'umuryango w'abibumbye ryita ku buzima, OMS, rirasaba ibihugu kwitondera gutangaza ko byatsinze urugamba rw'icyorezo cya Covid 19 bikuraho ingamba zo kwirinda.

Mu kiganiro n’abanyamakuru, Umuyobozi mukuru wa OMS, Tedros Adhanom Ghebreyesus, yaburiye ibihugu kutihutira gukuraho ingamba zo kwirinda icyo cyorezo kuko bishobora gutuma imibare y’abandura yongera kuzamuka. Yagize iti iyi ndwara ni mbi cyane kandi ikomeje kwihinduranya kenshi imbere y’amaso yacu.”

Ibi abivuze nyuma y’uko Danemarke ibaye igihugu cya mbere ku mugabane w’uburayi gikuyeho ingamba zose zijyanye na Covid 19. Nyamara, hakomeje kuvugwa abantu benshi bandura ubwoko bushya bwa virusi ya corona bwa Omicron.

Umuyobozi wa OMS avuga ko urugero nk’urwo rukurikiwe n’abavuga ko abantu benshi bamaze kwikingiza, bishobora kuba urwitwazo rwo gukuraho ingamba zo kwirinda Covid 19 mu bindi bihugu. Kuri muganga Ghebreyesus, uko abantu barushaho kwandura Covid 19, bivuze ubwiyongere bw’abapfa bazize iyo ndwara.

Dr. Ghebreyesus avuga ko kuva ubwoko bushya bwa Omicron bugaragaye muri Afurika y’epfo mu byumweru 10 bishize, abantu hafi miliyoni 90 bayanduye kw’isi. Agaragaza ko n’ubwo Omicron idafite ubukana bukomeye, bakomeje kubona ubwiyongere bw’abantu bapfa bazize iyo ndwara hirya no hino ku isi.

Yavuze ko OMS itagamije gusaba ibihugu gusubiza abaturage babyo mu kato, ko ahubwo icyo agamije ari ukubisaba gufata ingamba zikingira abaturage batagendeye ku nkingo gusa.

Facebook Forum

XS
SM
MD
LG