Abayobozi i Delhi mu Buhinde bashyizeho umukwabu wo mu mpera z’icyumweru mu gihe abarwayi ba COVID-19 bikubye incuro ennye n’umukuru w’abaminisitiri agasanganwa virusi ya Corona.
Abategetsi i Dehli uyu munsi kuwa kabiri bategetse abaturage kuzaguma mu ngo zabo muri iyi wikendi ije, bamaze kubona ko umubare w’abarwayi ba COVID-19 wikubye kane mu cyumweru. Umukuru w’abaminisiti nawe avuga ko yanduye iyo virusi, nyuma yo kugeza ijambo ku giterane mu bijyanye n’itora, atambaye agapfukamunwa
Umukuru w’abaminisitiri, Arving Kejriwal, umuyobozi mukuru mu batowe mu murwa mukuru, yari umwe mu bantu 37 379 banduye COVID-19 bwa mbere babaruwe mu Buhinde mu masaha 24 ashize. Abapfuye mu munsi umwe ushize, bose hamwe ni 124.
Delhi, ibara abantu barenga 4.000 bandura buri munsi kandi uwungirije umukuru w’abaminisitiri Manish Sisodia, yavuze ko abenshi mu barwayi, bagaragazaga ibimenyetso byoroheje cyangwa nta bimenyetso kandi ko bakira vuba. Ikindi n’uko abantu bazagomba kuguma mu mazu kuwa gatandatu no ku cyumweru, kugirango babuze virusi ya corona gukwirakwira.
Mu minsi y’icyumweru, ibiro byinshi bizakora ku buryo kimwe cya kabiri cy’abakozi bazakorera mu ngo. Sisodia, avugana n’abanyamakuru yongeyeho ko igihe abantu baba banduye, baguma mu ngo zabo, bityo ibitaro bikabasha kwita ku bantu barembye kurusha abandi.
Muri rusange, mu Buhinde umubare w’abanduye virusi ya corona wikubye incuro hafi eshatu kuva mu kwezi kwa 11, bagera kuri 3.24 kw’ijana kuri uyu wa kabiri, kandi mu migi imwe amashuli mato n’ayisumbuye yamaze gufunga.
Kuva icyorezo cyadutse mu Buhinde mu kwezi kwa mbere muri 2020, igihugu cyabaruye miliyoni 34 n’ibihumbi 960 z’abantu banduye. Aba babariyemo 482,017 bapfuye.
Facebook Forum