Uko wahagera

RDC: Umubare w'Abaguye mu Mirwano y'Amoko i Goma Wiyongereye


Iyi mirwano yatangiye ku cyumweru. Ishyamiranyije abo mu bwoko bw'aba-Nande n'aba-Kumu. Ejo, minisitiri w'umutekano muri guverinoma y'intara ya Kivu ya Ruguru, Jean-Bosco Sebishimbo, yabwiye Ijwi ry'Amerika ko abapfuye bari bamaze kumenyekana bari babiri.

Uyu munsi, nk'uko tubikesha ikigo ntaramakuru Reuters cyo mu Bwongereza, umuvugizi w'iyi guverinoma y'intara yatanze indi mibare mishya: abantu bishwe ni icumi. Abandi 34 barakomeretse. Amazu menshi nayo yaratwitswe.

Ibitero by'imitwe yitwara gisirikari n'imirwano hagati y'amoko atandukanye bimaze guhitana abantu barenga 300 kuva uyu mwaka utangiye mu gice cy'uburasirazuba bwa Repubulika ya demokarasi ya Congo.

Facebook Forum

XS
SM
MD
LG