Uko wahagera

Imisunikano yo muri Ekleziya muri Liberiya Yahitanye Abantu 29


Imwe mu masengero ya Liberiya

Minisiteri y’itangazamakuru muri Liberiya ivuga abantu bagwiriranye mu kiriziya hapfa 29 mw’ijoro ryakeye mu murwa mukuru Monronvia. Jalawah Tonpo, wungirije minisitiri w’itangazamakuru, yavuze ko iyo mpanuka yabaye ubwo abakristu bari mu bikorwa byo gusenga ijoro ryose mu gace ka New Kru, mu nkengero za Monronvia. Gusa, ntiyasobanuye icyatumye abantu bagwirirana.

Yagize ati: “Abaganga bavuze ko abantu 29 bapfuye kandi hari abari ku rutonde rw’abamerewe nabi”. Yabivuze ahamagaye kuri radiyo ubwo yari ku bitaro biri hafi y’aho iyo mpanuka yabereye. Yakomeje agira ati: “Uyu ni umunsi ubabaje ku gihugu”. Ibiro bya Perezida George Weah byatangaje ko ajya gusura ahabereye iyo mpanuka uyu munsi mu masaha ya nyuma ya saa sita.

Reuters

Facebook Forum

XS
SM
MD
LG