Uko wahagera

Cadi: Abasirikare Bagenye Umushikiranganji wa Mbere Mushasha


Albert Pahimi Padacké umushikiranganji wa mbere wa Cadi

Abasilikali bari ku butegetsi muri Cadi bashyizeho minisitiri w'intebe mushya. Minisitiri w'intebe wa Cadi ni umusivili. Yitwa Albert Pahimi Padacké. Afite imyaka 54 y'amavuko. Ni umukuru w'ishyaka rya politiki ryitwa Rassemblement des Nationalistes et Démocrates Tchadiens-Le Réveil. Yabaye minisitiri w'intebe n'ubundi kuva mu kwezi kwa kabiri 2016 kugera mu kwa gatanu 2018.

Albert Pahimi Padacké yari kandida mu matora aherutse, ku itariki ya 11 y'uku kwezi kwa kane. Yaje ku mwanya wa kabiri n'amajwi 10%, inyuma ya nyakwigendera Idriss Deby wari wayatsinze n'amajwi 79 %.

Idriss Deby amaze icyumweru yiciwe ku rugamba n'inyeshyamba z'umutwe witwa Front pour l’Alternance et la Concorde au Tchad. Yari yarakuyeho umwanya wa minisitiri w'intebe mu 2018. None umuhungu we, Général Mahamat Idriss Déby, w'imyaka 37 y'amavuko, awusubijeho, uwa nyuma wari uwurimo icyo gihe, Albert Pahimi Padacké.

Mahamat Idriss Deby n'inteko ya gisilikali bafatanyije ubutegetsi bavuga ko inzibacyuho izamara umwaka umwe n'igice, ariko ko bashobora kuyongerera igihe nk'iki inshuro imwe.

Facebook Forum

XS
SM
MD
LG