Reta y’Uburundi itangaza ko abanyororo 38 ari bo bahitanywe n’umuriro wadutse mw’ibohero rikuru rya Gitega ku murwa mukuru wa politike w'ico gihugu.
N’aho biri uko, amakuru ava mu bitaro bikuru vy’intara ya Gitega akemezwa n’abakozi b’ishirahamwe Croix Rouge ritabara imbabare avuga ko abahasize ubuzima barenga 50, kandi ko n’ico gitigiri gishobora kurenga cane kubera abakomeretse ari benshì hamwe n’abataratorwa.
Bamwe mu banyororo babwiye Ijwi ry'Amerika ko ugutabara kwatevye kuko haheze amasaha arenga abiri ata kimodoka kizimya umuriro bita “Kizimyamwoto” kirahashika.
Inkuru ya Pierre Claver Niyonkuru Akorera Ijwi ry'Amerika i Kigali mu Rwanda
Facebook Forum