Uko wahagera

Abanyakameruni Ibihumbi 25 Bahungiye muri Cadi Basubiye Iwabo


Imwe mw'ikambi yahora irimwo abahungutse

Abaturage ba Kameruni byibura 25.000 bo mu majyaruguru y’uburasirazuba bahungiye muri Cadi ubushyamirane hagati y’amoko y'abahinzi n'ay'aborozi, mu kwezi gushize. Minisiteri y'ubutegetsi bw'igihugu ya Kameruni yatangaje ko barimo batahutse. Mu itangazo yahitishije kuri televiziyo ya leta, CRTV, uyu munsi kuwa mbere, isobanura ko babiterwa n'uko akarere kongeye kugarukamo umutuzo.

Guverineri w’intara ya Far North, Midjiyawa Bakari, yavuze ko itsinda ry’amahoro ryo mu kwezi kwa 12 ryabashije kwumvisha abagabo bafite imbunda kuzishyira hasi. Bakari yavuze ko abasivili ibihumbi bari bahungiye muri Cadi kubera ubushyamirane bagiye batahuka buri cyumweru kuva kw’italiki ya 16 y’ukwezi gushize kwa 12. Yongeyeho ko batahuka kubera ko Perezida Paul Biya yabasabye gusubira mu ngo zabo, gushaka amahoro no gufasha guteza imbere imiryango yabo n’aho batuye.

Cyakora Bakari yavuze ko amagana menshi mu batahutse, batagira aho begeka umusaya, kubera ko amazu yabo yatwitswe mu gihe cy’ubushyamirane. Abandi baturage barenga 75.000, basizwe ku gasozi n’ubushyamirane, bo baracyatinya gusubira iwabo.

Facebook Forum

XS
SM
MD
LG