Uko wahagera

Colonel Karegeya Patrick Araregwa Ubugande no Gutoroka Igisirikare


Ku wa gatanu taliki ya 16 kamena 2006, k’ urukiko rwa gisirikare i Nyamirambo i Kigali, hari hateganijwe kuburanishwa urubanza ubushinjacyaha bwa gisirikare buregamo Col. Karegeya icyaha cy’ubugande no gutoroka igisirikare.

Urubanza ntirwashoboye kuburanishwa kubera ko abunganira Col. Karegeya Haguma na Niyomugabo, bagaragarije urukiko ko babonye dosiye y’uwo bunganira taliki ya 15 Kamena 2006, bityo bakaba batari biteguye neza, basaba urukiko kwimura igihe cyo kuburana.

K’ubushinjacyaha bwa gisirikare ngo busanga impamvu batinya kuburana ngo ari uko icyo batinyaga atari ko bakibonye. Ubushinjacyaha bwongeyeho ko bari bizeye ko nta bimenyetso bibashinja buzabona ngo kuri bwo, urubanza rukwiye kuburanishwa vuba ukuri kukagaragara bityo bikavanaho ibigambo biri mu itangazamakuru ko ngo ubushinjacyaha bwahimbye ibirego burega Karegeya.

Colonel Karegeya, wigeze kuba maneko mukuru ushinzwe iperereza yo hanze, kugeza ubu ahakana ibyaha aregwa n’ubushinjacyaha bwa gisirikare. Arafunzwe guhera ku italiki ya 30 gicurasi 2006 kuko bakekaga ko ashobora gutoroka.

Tubibutse ko Col. Karegeye atari ubwa mbere afunzwe. Kuva muri gicurasi kugeza mui nzeri 2005 yarafunzwe. Icyo gihe cyakora ntiyigeze agezwa na rimwe imbere y’urukiko ndetse n’icyo yari afungiwe nticyigeze kimenyekana.

Iburanisha ry’urubanza rwa Colonel Karegeya rizasubukurwa ku wa kane taliki ya 22 kamena 2006.

XS
SM
MD
LG