Uko wahagera

Ramaphosa Yatorewe Kongera Kuyobora Ishyaka ANC


Prezida Cyril Ramaphosa
Prezida Cyril Ramaphosa

Muri Afrika y'Epfo, Cyril Ramaphosa yongeye gutorerwa kuyobora ishyaka ANC riri ku butegetsi.

Ramaphosa yari ahanganye na Muganga Zweli Mkhize, wahoze ari minisitiri we w’ubuzima. Yamutsinze atowe n’amajwi 2,476 ku 1,897, ku ntumwa 4,386 z’ishyaka zaturutse hose mu gihugu cyose. Bari bamaze iminsi bateraniye mu mujyi wa Johannesburg.

Itorwa rya Ramaphosa ku mwanya wa perezida wa ANC rimuciriye inzira yo kongera gutorerwa umwanya w’umukuru w’igihugu mu 2024.

Cyril Ramaphosa avuye kure. Mu cyumweru gishize, inteko ishinga amategeko yari hafi kumwirukana ku milimo ye habura gato. Aregwa ibya ruswa. Dr Mkhize nawe yeguye ku gahato ku mwanya wa minisitiri w’ubuzima mu kwezi kwa munani 2021 nawe aregwa ruswa.

Facebook Forum

XS
SM
MD
LG