Uko wahagera

Umupira Maradona Yatsinze Yambaye mu 1986 Wagurishijwe Miriyoni Zirenga $9


Maradona Yinjiza igitsindo co mu 1986
Maradona Yinjiza igitsindo co mu 1986

Imayo umukinyi w’umupira w’amaguru Diego Maradona yari yambaye mw’ihiganwa ry’igikombe c’isi yose ryabereye muri Mexqique mu 1986 yagurishijwe amadorali y’Amerika imiriyoni 9 n’ibihumbi 300.

Ico gihe, Maradona yatumye ekipe ya Argentine yakinira itsinda iy’Ubwongereza ibitsindo birimwo ico yinjije akoresheje ikiganza ciwe. Ico gitsindo cataziriwe “ Igitsindo c’Ukuboko kw’Imana.”

Iyo mayo yatejwe icamunara ku buhinga bwa none ni co gikoresho ca mbere co mu mupira w’amaguru kidandajwe amafaranga menshi. Imyidondoro y’uwaguze uwo mupira Marodana yatsinze yambaye mu 1986 ntiyatangajwe.

Yinjiza igistindo cahesheje igikombe ekipe yiwe mu 1986, Maradona yasiguye ko ari igitsindo cinjijwe n’ “ ukuboko kw’Imana hakoreshejwe umutwe wa “Maradona”.

Maradona afatwa nk’umwe mu bakinyi bakunzwe kandi bagakina neza, yashengeye mu 2020 ku myaka 60. Yagiye avugwako kunwa ibiyayura mutwe vyinshi birimwo kokayine.

Facebook Forum

XS
SM
MD
LG