Uko wahagera

Honduras Yemeje ko Hernandez Yahora ari Prezida Yorungikwa muri USA


Juan Orlando Hernandez yahoze ari Prezida wa Honduras

Muri Honduras, urukiko rwemeje ko uwari umukuru w'igihugu, Juan Orlando Hernandez, yohererezwa ubucamanza bwa Leta zunze Ubumwe z'Amerika. Juan Orlando Hernandez yabaye perezida wa Honduras imyaka umunani, kuva mu kwa mbere 2014 kugera mu kwa mbere 2022.

Leta zunze ubumwe z'Amerika imurega ko, igihe yari akiri ku butegetsi, yaba yaragize uruhare rukomeye mu bucuruzi bw'ibiyobyabwenge, byavaga muri Amerika y'Epfo (mu gihugu cye Honduras, no muri Colombia na Venezuela) bikinjira muri Leta zunze ubumwe z'Amerika rwihishwa. We avuga ko ari umwere.

Mu kwezi gushize ni bwo Amerika yasabye ku mugaragaro guverinoma ya Honduras kumuta muri yombi no kumwohereza kuburanira muri Leta zunze ubumwe z'Amerika. Polisi ya Honduras koko yaramufashe iramufunga. Urukiko rw'ikirenga rwa Honduras rwaburanishije icyifuzo cya Leta zunze ubumwe z'Amerika, none rwatanze umwanzuro warwo uyu munsi. Hernandes ashobora kujurira.

Mu 2019, urukiko rw'i New York rwaciriye urubanza murumuna we witwa Juan Antonio Hernández, rumuhamya ibyaha byo gucuruza ibiyobyabwenge n'intwaro za magendu, rumukatira gufungwa burundu. Juan Orlando Hernandez wari ukiri perezida wa Honduras yaravuzwe cyane muri uru rubanza nk'umufatanyabyaha.

Facebook Forum

XS
SM
MD
LG