Uko wahagera

Uburusiya na Ukraine Basubukuye Imishyikirano y'Amahoro


Ibiganiro hagati y'Uburusiya na Ukraine

Inama irabera ku buhanga bwa videwo. Mykhailo Podolyak, umujyanama wa perezida wa Ukraine akaba ari nawe ukuriye intumwa z'igihugu cye, yatangaje kuri Twitter ko ibiganiro birimo ingorane. Asobanura ko impande zombi zitarava ku izima. "Batsimbaraye ku byo bamwe basaba abandi. Ahanini biraturuka ku mitegekere ya politiki itandukanye cyane hagati y'ibihugu byombi."

Ku ruhande rwa Ukraine, Podolyak yatangaje ko basaba Uburusiya "gutanga agahenge bugaharika imirwano, gukura ingabo zabwo zose ku butaka bwa Ukraine, no guha Ukraine amasezerano ko butazongera kuhungabanya umutekano wayo."

Ku ruhande rw'Uburusiya, bo ntibatangaje ibyo basaba Ukraine.

Ni ubwa kane intumwa z'ibihugu byombi zihuye. Inshuro eshatu za mbere baganiriye amaso ku yandi ku mupaka w'igihugu bombi baturanye cya Biyelorusiya. Ntacyo imishyikirano yagezeho. Kimwe n'uko inama ya ba minisitiri b'ububanyi n'amahanga b'Uburusiya na Ukraine yabereye kuwa mbere w'icyumweru gishize muri Turkiya nayo ntacyo yatanze.

Facebook Forum

XS
SM
MD
LG