Uko wahagera

Tour du Rwanda 2022 : Agace k'Umusogongero Kegukanywe n'Umufaransa


Umufaransa yegukanye agace kabanza muri Tour du Rwanda 2022

Umukinnyi w'Umufaransa Alexandre Geniez ni we wegukanye umwanya wa mbere mu gace ka mbere k'isiganwa ry'amagare Tour du Rwanda ry'uyu mwaka wa 2022 ryatangiye kuri iki cyumweru tariki 20 Gashyantare.

Uyu mugabo w'imyaka 33 ukinira ikipe ya Direct Energie yo mu Bufaransa yarushije abandi bose gukoresha ibihe byiza kuko ibilometero bine byari bigize aka agace k'umusogongero yabinyanyagiye mu minota 4 n'amasegonda 41.

Alexandre Geniez yatangaje ko n'ubwo atakwizera kuba uwa mbere mu isiganwa ryose mu gihe rizaba rigeze ku musozo, ik'ingenzi ngo ni uko yatangiye neza.

Ku mwanya wa kabiri muri iyi prologue haje Jonathan Valencia Restrepo, Umunyakolombiya wo mu ikipe ya Androni Giocattoli yo mu Butaliyani, na ho uwa gatatu aba Sandy Dujardin ukinira Direct Energie yo mu Bufaransa.

Umunyarwanda waje ku mwanya wa hafi ni Renus Uhiriwe w'ikipe y'igihugu Team Rwanda waje ku mwanya wa 25. Ibi bituma hari bamwe mu bakunzi b'umukino w'amagare mu Rwanda bakomeza kwibaza niba hari umukinnyi w'u Rwanda uzashobora kurusyaho muri uru rugamba ngo nibura yegukane intera imwe ya Tour du Rwanda, dore ko kuva iri siganwa ryazamurwa mu ntera rigashyirwa ku gipimo cya 2.1 nta mukinnyi w'Umunyarwanda wari washobora gutsinda ├ętape.

Kuri uyu wa mbere tariki ya 21 Gashyantare 2022 guhera i saa tatu za mu gitondo hateganyijwe intera ya Kigali-Rwamagana. Abasiganwa nibagera mu mugi wa Rwamagana barazenguruka inshuro 10 (circuits) mbere yo gusoza. Iyi ntera ireshya na kilometero 143.

Facebook Forum

XS
SM
MD
LG