Umucamanza wo muri reta ya New York yemeje kuri uyu wa kane ko Donald Trump yigeze kuba perezida wa Reta zunze ubumwe za Amerika arenguka imbere ya sentare kwisigura ku vyaha vy’amaforode y’amafaranga mu bikorwa vy’ubucuruzi vy’umuryango wiwe.
Iyi ngingo y’ubutungane ije gusongera isibe uwo yahoze ari perezida mu gihe hari ayandi madosiye akiriko araburana kandi bishobora kumucafuza ntibizomworohere kuzohiganirwa iyindi manda y’umukuru w’igihugu mu 2024.
Umucamanza mukuru wa reta ya New York, Arthur Engoron yetegetse Trump n’abana biwe bakuru babiri, Donald Jr na Ivanka, kuzokwitaba imitahe basohorewe n’umushikirizamanza mukuru wa reta ya New York, Letitia James.
Letitia James, wo mu mugambwe w’abademokrate, yavuze mu kwezi kwa mbere ko ishirahamwe ryitiriwe Trump ryabonetsemwo amanyanga ya forode. Yavuze ko iryo shirahamwe ryabonetsemwo ingendo zo guhishira imitungo kugira harihwe amatagisi make.
Abo kwa Trump bo bavuga ko aya matohoza ariko akorwa ku mvo za poritike.
@AFP
Facebook Forum