Uko wahagera

Perezida Trump Aracyafitiye Umukwe we Icyizere


Perezida Donald Trump na Jared Kushner, umujyanama we akaba n'umukwe we

Prezida Donald Trump wa Leta Zunze Ubumwe za Amerika aracyafitiye icyizere umukwe we Jared Kushner nubwo aregwa, ko yagerageje gushinga umurongo wo mu ibanga wo kuvuganiraho n’abategetsi b’uburusiya.

Mu itangazo ryahawe n’ikinyamakuru The New York Times cyandikirwa hano muri Amerika, Bwana Trump yashimye "akazi keza" Kushner akora.

Ntiyegeze avuga iby'uwo mugabo wubakanye n'umukobwa we mukuru Ivanka, aregwa.

Bivugwa ko Kushner yaganiriye n'uhagarariye Uburusiya muri Amerika mu kwezi kwa 12, ku kuntu hashingwa mu ibanga umurongo wo kuganiriraho.

Ibinyamakuru The New York Times na The Washington Post bivuga ko yashatse kwifashisha ibikoresho bya Ambasade y’uburusiya, kugira ngo igihugu cya Amerika kidafata ibyo baganira na Moscow.

Bivugwa ko ibyo biganiro byabaye mbere yuko Trump atangira kuyobora igihugu, kuko muri icyo gihe yafatwaga nk'umuturage usanzwe.

Amakuru avugwa hano muri Amerika yemeza ko abakora iperereza bazi neza ko Kushner afite amakuru arambuye yatanga, ariko bidasobanura ko haba hari icyaha bamukeka.

Facebook Forum

XS
SM
MD
LG