Uko wahagera

Igiporisi Cabohoje Abanyeshure 21 Bari Banyurujwe muri Nijeriya


Umutegetsi yagendeye umunyeshure yanyurujwe muri reta ya Zamfara mu buraruko bushira uburengero, Nijeriya, kw'itariki 03/02/2021.
Umutegetsi yagendeye umunyeshure yanyurujwe muri reta ya Zamfara mu buraruko bushira uburengero, Nijeriya, kw'itariki 03/02/2021.

Igiporisi co muri reta ya Zamfara mu buraruko bushira uburengero bwa Nijeriya cabohoje abanyeshure 21 bari baranyurujwe n’abitwaje ibirwanisho ku musi wa gatanu. Ibi vyavuzwe n’umuvugizi waco, Mohammed Shehu ku musi wa gatandatu.

Hagati no mu buraruko bushira uburengero bwa Nijeriya bwabaye ikirimbiro ry’abagizi ba nabi, bazwi nk’abasuma, batera imihana y’abanyagihugu, bakiba ibitungwa no kwica batavangura.

Ku musi wa gatanu, buca ari Noheli, abitwa abasuma barazibiye ibarabara rikuru muri iyi reta, banyuruza igitigiri kitaramenyekana c’ingenzi zirimwo n’abanyeshure. Umuvugizi w’igiporisi ni ko yavuze.

Igiporisi cavuze ko abo basuma bazibiye ibarabara bongera batwara ingenzi zari muma bus atanu, harimwo imwe yari itwaye abanyeshure. Abo banyeshure bari baherekejwe n’abigisha babo bari bagiye kuri seminari y’ikiyisilamu muri reta ya Katsina. (AFP)

Facebook Forum

XS
SM
MD
LG