Ica kabiri c’abashoferi b’igisata ca ONU kijejwe ibifungurwa, PAM, bafashwe mu ndwi iheze mu buraruko bwa Etiyopiya barekuwe, nkuko vyavuzwe n’umuvugizi wa ONU kuri uyu wa mbere.
Farhan Haq, avugira ONU, yabwiye abamenyeshamakuru aho yari ku cicaro i New York ko ariko abandi bakozi 10 ba ONU bahagaritswe ku musi wa gatanu batararekurwa.
Ariko avuga kandi ko abashoferi 34 ba PAM ari bo barekuwe mu gihe abandi 36 bagifunzwe.
Abo bantu bahagaritswe inyuma y’aho reta y’umushikiranganji wa mbere, Abiy Ahmed atangarije ibihe bidasanzwe mu ntango z’ukwezi kwa cumi na kumwe, igihe abarobeli bagabisha ko bariko begereza umurwa mukuru.
Facebook Forum