Amakuru yahawe ibiro ntaramakuru by’Abafransa AFP na bamwe mu bakozi ba ONU muri Etiyopiya yemeza ko abo bantu bafatirwa mu mikwabu yibasiye abaturage bo mu bwoko bw’Abatigirinya batuye mu murwa mukuru Addis Abeba.
Ni imikwabu ikorwa hashingiwe ku mategeko yo mu bihe bidasanzwe yashyizweho muri uwo mujyi. Leta yatangaje ko ayo mategeko azamara amezi atandatu. Umwe mu bantu, wavuganye na AFP yasobanuye ko abafatwa bakurwa mu ngo zabo.
Umuvugizi w’Umuryango w’Abibumbye i Geneve mu Busuwisi yatangaje ko bamaze kwandikira ministeri y’ububanyi n’amahanga ya Etiyopiya basaba ko abo bakozi babo bahita barekurwa.
Facebook Forum