Uko wahagera

USA: Guharura Amajwi mw'Itora ry'Abasenateri muri Georgia Vyatanguye


Abanyagihugu bariko baratora muri Georgia.

Muri Reta zunze ubumwe z’Amerika Ibibanza vyo gutoreramwo vyarugaye n’amajwi yaratanguye guharurwa ejo kuwa kabiri mw’ijoro mw’itora ry’abasenateri bane bo muri reta ya Georgia iri mu bumanuko bwa Amerika bariko baharanira intebe zibiri muri sena.

Iri tora ni ryo rizokwerekana umugambwe uzogenzura sena y’Amerika mu myaka ibiri ya mbere ya reta ya perezida yatowe Joe Biden.

Umurepublikani, senateri David Perdue ariko aharana n’umudemokrate Jon Ossof mu gihe uwundi musenateri w’umurepublikani Kelly Loeffler, ariko arwanira intebe n’umudemokrate Rev. Raphael Warnock, wo mw’ishengero ry’aba Baptiste. Ibiharuro vy’ibanze bimaze kwerekana ko abademokrate baza imbere ku majwi make.

Muri iki gihe, abarepublikani nibo bagenzura intebe 100 zo muri sena ku ntebe 50 kuri 48 z’abademokrate. Bakeneye gutsindira intebe imwe muri iri tora kugira babandanye biganje muri sena.

Mu gihe abademokrate botsindira izo ntebe zibiri za sena, Biden yoba aronse uburenganzira bwo guhitisha amategeko yiwe arimwo guhinyanyura assurance yo kuvuza abantu no kworohereza abimukira kuronka ubwenegihugu.

Facebook Forum

XS
SM
MD
LG