Uko wahagera

USA: Nancy Pelosi Yongeye Gutorerwa Kurongora Inama Nshingamateka


Umukuru w'Imana Nshingamateka y'Amerika Nancy Pelosi

Umushingamateka Nancy Pelosi yongeye gutorerwa kurongora inama nshingamateka ya Reta zunze ubumwe za Amerika kuri uyu w’Imana ku ncuro ya kane. Inama nshingamateka yiganziwe n’abademokrate ariko atari ku rugero runini.

Uwo mudemokrate yatowe muri reta ya California, yarongoye umugambwe wiwe mu nama nshingamateka kuva mu 2003 kandi ni we mukenyezi wenyene amaze kurongora iyo nama nshingamateka. Yatowe ku majwi 216 ku muhingamo wo ku musi w’Imana.

Inyuma yo gutakaza intebe zitari nke mu matora yo mu kwezi kwa cumi na kumwe, abademokrate ni bo bagenzura inama nshingamateka nshasha ku ntebe 222 ku 211 z’abarepublikani.

Pelosi yaciye yakira abashingamateka mu nama kuri uyu w’Imana, ashimika avuga ko bafise uruhara runini mu gihugu mu rugamba kirimwo rwo guhangana n’ikiza ca corona hamwe n’ikibazo c’ubutunzi bwasubiye inyuma.

Uwo mukenyezi w’imyaka 80 yavuze ko inyuma y’iyindi myaka ibiri kuri ubwo burongozi atazosubira kurondera iyindi manda yo kurongora inama nshingamateka.

Facebook Forum

XS
SM
MD
LG