Abasirikare ba reta ya Somaliya bashika 10 hamwe n’intagondwa zikora iterabwoba barishwe kuri uyu wa gatatu igihe umuhari w’abarwanyi ba al-Shabab watera ikambi zibiri za gisirikare mu ntara ya Lower Shabelle.
Umuhari Al-Shabab wiyemereye ko ariwo wagirizwa ivyo bitero bibiri mw’itangazo wacishije ku radiyo yawo yitwa Andalus.
Al Shabab wemeza kandi ko watwaye inkoho n’amasasu vy’abasirikare ba reta. Abategetsi ba reta bajejwe umutekano ntibemeje canke ngo bahakane ivyo bitero.
Facebook Forum