Ingabo zishinzwe umutekano za Nijeriya zatabaye abantu hafi 100 barimo n’impinja bashimuswe, bari bafitwe n’amabandi yitwaza intwaro muri Leta ya Zamfara mu majyaruguru y’uburengerazuba bw’igihugu.
Polisi ya Nijeriya yavuze ko barekuwe ntagisabwe kandi ko ntangurane yatanzwe. Mu gihe ukwishyira ukizana kwabo kwakiriwe neza, abanenga ibintu bavuga ko abategetsi badakora ibihagije mu kuvugurura umutekano mu ntara uhora uhungambanamo.
Abantu bose hamwe 97, batabawe mu mikwabu ibiri yakozwe n’ingabo zishinzwe umutekano mw’ishyamba, abanyarugomo n’amabandi bahishamo abo bashimuse.
Amakuru yatangajwe mbere yavugaga ko habohojwe abantu 68 mu karere ka Shinkafi n’abandi 29 nyuma yaho bakuwe mw’ishyamba ahandi.
Abayobozi muri Polisi bavuze ko abari bashimuswe batabawe barimo impinja 19, zifite hagati y’amezi abiri n’arindwi. Hari n’abandi bana 16. Abagore batwite, abonsa n’abagabo, nabo batabawe.
Umuvugizi wa polisi ya Leta ya Zamfara, Shehu Mohammed, yavuze ko abenshi mu bari bashimuswe bari bamaranywe amezi agera kuri atatu.
Ababohojwe bose, basuzumwe n’abaganga mu bitaro bya Leta, nyuma bashyikirizwa abayobozi mu murwa mukuru w’iyo Leta, Gusau. Mohamed yavuze ko byitezwe ko bahuzwa n’imiryango yabo mu mugoroba wo kuri uyu wa gatatu.
Facebook Forum