Abanyagihugu bo muri Republika ya demokarasi ya Kongo bari mu matora rusangi. Abiyandikishije ngo bazotore bagera ku miriyoni 44. Ibitigiri vy'abatoye ntibaramenyekana kuko hari abakibandanya gutora. Tumwe mu tunenge twibonekeje ahatandukanye, turimwo ikena ry’ibikoresho birimwo imashini z’itora. Abakandida bitoza mu mwanya wa prezida ni 18, barimwo Prezida Félix-Antoine Tshisekedi Tshilombo, ariko arondera manda ya kabiri.
Amwe mu Mafoto y'Amatora Rusangi muri Kongo
1
Umunyagihugu yatoreye ahitwa Kanyaruchinya, ariko agenzura amazina y'abitoza imbere y'uko atora uwo yipfuza guha Ijwi ryiwe.
2
Prezida wa Kongo Felix Tshisekedi ariko aratora. Yatoreye i Kinshasa. Prezida Felix Tshisekedi aramutswa Kongo kuva mu 2019, ahanganye n'abakandida 18 bipfuza kumusubirira. Ariko arondera manda ya kabiri.
3
Abagize komisiyo itegura amatora muri Kongo, bereka Muganga Denis Mukwege uko abwirizwa gutora. Muganga Mukwege ari mu bakandida 18 bipfuza gutwara Kongo. Yarigeze gutsindira agashimwe k'amahoro kitiriwe Nobel. Yamenyekanye kubera ibikorwa vyiwe vyo gufasha abapfasoni n'abigeme bakorewe ihohoterwa rishingiye ku gitsinda mu buseruko bwa Kongo.
4
Muganga Denis Mukwege, umwe mu bakandida mu matora ya prezida wa Kongo. Aha, yariko aratora. Yatoreye i Kinshasa. Muganga Mukwege ari mu batavuga rumwe n'ubutegetsi bwa Kongo.