Umuryango mpuzamahanga w’abanyamakuru batagira imipaka – RSF, watangaje raporo ngarukamwaka kuri uyu munsi mpuzamahanga wahariwe ubwigenge bw’itangazamakuru kw'isi.
Iyo raporo isuzuma uko abanyamakuru bashobora gukora ntawe ubasopanyirije kandi nta n’ubuteye ubwoba. Igihugu cya Noruveje, kiri mu Burayi bw’amajyaruguru, ni cyo kiza kw’isonga mu kubahiriza ibyo raporo yasuzumye.
Ibindi bihugu icyenda bikurikiraho ni Danemark, Suwedi, Ubuholandi, Finlande, Esitoniya, Portugali, Irelande, Ubusuwizi n’Ubudage. Leta zunze ubumwe z’Amerika iza ku mwanya wa 55 kuri urwo turonde rwa RSF, aho yasubiye inyuma ho imyaka 10. Uburusiya buza ku mwanya wa 162. Muri iki gihugu abanyamakuru barenga 1.500 barahunze kuva Uburusiya bugabye ibitero kuri Ukraine mu mwaka wa 2022.
Uburundi buri ku mwanya w’108, naho u Rwanda ruza ku mwanya w’144 ku bihugu 180 byasuzumwe.
Igihugu ca nyuma ku rutonde ni Eritereya ku mugabane w’Afurika iri ku mwanya w’180 kuri iyo raporo. Isimbuye kuri uwo mwanya Koreya ya Ruguru yari iwuriho umwaka ushize. Ibindi bihugu bya nyuma icumi mu gutoteza abanyamakuru birimo Ubushinwa, Irani, Afuganisitani, na Siriya.
Forum