Leta ya Kiyisilamu Yambuwe Umujyi wa Deir al-Zor muri Ziriya

Itangazamakuru rya Leta muri Siriya ryavuze ko igihugu hamwe n’incuti bifatanyije, bagenzura byuzuye umujyi wa Deir al-Zor uherereye mu burasirazuba bw’igihugu. Bawambuye umutwe wa Leta ya Kiyisilamu.

Umusilikare mu ngabo za Siriya utashatse ko amazina ye atangazwa yabwiwe ibiro ntaramakuru by’Abongereza Reuters ati: “Ingabo za Siriya zifatanije n’abasilikare b’ibihugu by’incuti, bakuye umujyi wa Deir al-Zor wose mu nzara z’umutwe w’iterabwoba Daesh”. Yakoresheje ijambo ry’icyarabu bita uwo mutwe wa Leta ya Kiyisilamu.

Deir al-Zor ni umujyi wa Siriya ucukurwamo peteroli nyinshi n’ibiyikomokaho. Niwo mujyi munini uri mu burasirazuba bw’igihugu ukaba ari nawo mujyi urusha iyindi akamaro.