Inyuma yaho Reta ya Uganda yemereje kuri uno wa Mungu itegeko ritoza amakori ku bakoresha imbuga ngurukanabumenyi nka WhatsApp, Twitter, Viber, Facebook na Instagram, abashikirizwamanza b’Abaganda bavuze ko biteguriye kurirwanya.
Iryo tegeko rishasha rivuga ko umuntu wese akoresha izo mbuga haba mu gusangira ivyiyumviro, guhanahana amakuru canke ukwiryohera ategerezwa kuzokwama ariha amadolari abiri ku kwezi.
Ibitangaza makuru vyo muri Uganda bitangaza ko iro tegeko rikimara gushirwa mu ngiro, Abaganda batari bake batashoboye gukoresha izo mbuga.
Perezida wa Udanga Yoweri Museveni mu kwezi kwa gatanu yavuze ko iryo tegeko ryemejwe rizofasha kurwanya urusaku, n’ibinyoma vyuzuye ku mbuga ngurukanabumenyi.
Abatavuga rumwe na reta bavuze ko iryo tegeko ritoza amakori ku bakoresha imbuga ngurukana bumenyi rije ata kindi rigamije atari ukubabuza gushikiriza ivyiyumviro bisanzuye.
Facebook Forum