Uko wahagera

Umurambo wa Mohamed Morsi Washyinguwe


Ifoto ya nyakwigendera Mohammed Morsi

Mu Misiri, umurambo wa Mohamed Morsi, wahoze ari umukuru w’igihugu, washyinguwe uyu munsi. Umwe bahungu be, Ahmed Morsi, yatangaje ko inzego z’umutekano zababujije kuwushyingura mu irimbi ry’umuryango.

Ariko zabemereye kumuherekeza bwa nyuma. Babanje kujya mu masengesho mu musigiti wa gereza Morsi yari afungiyemo. Nyuma bagiye gushyingura mu irimbi rusange mu nkengero z’umurwa mukuru Cairo.

Mohamed Morsi yitabye Imana ejo kuwa mbere ku buryo butunguranye yari imbere y’urukiko. Yarimo aburana ibyaha byo kunekera igihugu cya Irani n’umutwe wa Hamas wo muri Palestina.

Imiryango iharanira uburenganzira bwa muntu, nka Amnesty International, isaba leta ya Misiri gukora anketi ku cyishe Morsi. Ibiro by’uburenganzira bwa muntu muri ONU nayo yasabye anketi zigenga.

Mohamed Morsi yitabye Imana afite imyaka 67 y’amavuko. Yabaye perezida wa mbere wa Misiri watowe muri demokarasi. Yategetse kuva ku italiki ya 30 y’ukwa gatandatu 2012 kugera ku italiki ya 3 y’ukwa kalindwi 2013. Yakuweho na coup d’Etat ya General Abdel Fattah el-Sisi, ugitegeka Misiri kugeza ubu. Naho Morsi yari muri gereza kuva icyo gihe.

Facebook Forum

XS
SM
MD
LG