Uko wahagera

Umunyakenya Wakekwagaho Guhekura Ababyeyi Benshi Yaba Yishwe


Masten Milimo Wanjala wiyemereye ko yica abana akanywa amaraso yabo. Abaturage bamutsinze iwe.

Muri Kenya umusore bikekwa ko yishe abana benshi wivugiye ko yanywaga amaraso y’abo amaze kwica, bikekwa ko yaba yishwe n’agaco k’abantu bamusanze iwe mu rugo nyuma y’iminsi mike atorotse gereza. Polisi yabivuze uyu munsi kuwa gatanu.

Masten Milimo Wanjala w’imyaka 20 yatawe muri yombi mu kwezi kwa karindwi akekwa kugira uruhare mu ibura ry’abana babiri.

Polisi yavuze ko yiyemereye ko yishe abana 10 mu bice bitandukanye by’icyo gihugu cyo muri Afurika y’uburasirazuba mu myaka itanu ishize.

Wanjala yitabye urukiko i Nairobi, kuwa gatatu, akurikiranyweho kugira uruhare mu ibura ry’abana babiri, umwe wari ufite imyaka 12 n’undi wari ufite 13.

Ku rubuga rwa Twitter uyu munsi kuwa gatanu, ibiro bishinzwe iperereza bya Kenya, DCI, byanditse bigira biti: “Abashinzwe iperereza badasanzwe, bamushakishaga mu burengerazuba bwa Kenya, ariko k’ubw’amahirwe make, yabonywe n’abaturage i Bungoma kandi yarakubiswe kugeza apfuye mbere y’uko abantu bacu bongera kumufata”.

Bruno Shioso, umuvugizi wa Polisi y’igihugu, yavuze ko barimo gukora iperereza kugira ngo bamenye neza niba umurambo wabonetse ari uwa Wanjala.

Mike Mbuvi Sonko, wahoze ari guverineri w'Akarere ka Nairobi, mbere yari yatangaje igihembo cy’amashilingi 200,000 angana n’amadolari 1,800, ku muntu wazatanga amakuru yatuma Wanjala yongera gufatwa.

(Reuters)

Facebook Forum

XS
SM
MD
LG