Urusasu rwa bombe rwatezwe mu muduga rwaturikiye mu micungararo y'ihoteri, Afrik, izwi cane ku murwa mukuru wa Somaliya, Mogadishu. Naho ivyononekaye bitaramenyekana, intagondwa z'aba al-Shabab bigamvye ko ari bo bateze iyo bombe yakurikiwe n’ukurasana kwabaye hagati ya polisi n’izo ntagondwa.
Polisi ya Somaliya yemeje ano makuru ivuga ko aba al-Shabab bari bigaruriye iyo hoteri iri mu micungararo y'ibarabara rija ku kibuga c'indege gikuru ca Mogadishu.
Abatari bake mu bari muri iyo hoteri barimwo umumenyeshamakuru akorera Ijwi ry'Amerika i Mogadishu, Abdikafi Yusuf Aden, bayivanywemwo amarembe nkuko polisi ibandanya ibisigura. Uyu mumenyeshamakuru yabwiye Ijwi ry’Amerika ko aho yari yinyegeje imbere yo gusohoka ubwiwe yiboneye abantu batatu bakomeretse.
Facebook Forum