Uko wahagera

Umukuru w'Inama Nshingamateka muri Sudani Y'Epfo Yegujwe


Perezida wa Sudani y'Epfo Salva Kiir bivugwa ko ari we yeguje Anthony Lino Makana

Perezida w’Inteko Ishinga Amategeko y’inzibacyuho muri Sudani y’Epfo Anthony Lino Makana, yahatiwe n’ishyaka rye kwegura. Yeguriye mu nama y’ishyaka rya Sudan People’s Liberation Movement (SPLM) riri ku butegetsi yaberaga i Juba ejo ku cyumweru.

Mu bwegure bwe yavuze ko Perezida Salva Kiir yamutumyeho abimusaba. Yari yaranze kwegura igihe abadepite bo mw’ishyaka rye bamutumagaho babimusaba mu kwezi gushize. Bamuregaga kunyereza umutungo no kwemeza umwenda wa miliyoni $400 muri banki imwe mu zikorera muri icyo gihugu atabanje kubigeza imbere y’inteko y’abadepite nkuko itegeko ribiteganya. Icyo gihe yarabihakanye ababwira ko ashobora kubaregera icyaha cyo gushaka kumusarika.

Perezida Kiir yamushyizeho nk’ umukuru w’Inteko ishinga amategeko mu 2016 nyuma y’amasezerano yashyizweho umukono hagati ya Leta n’inyeshyamba zayirwanyaga zikuriwe na Riek Machar wari Visi Perezida.

Mu bwegure bwe, Makana yavuze ko abikoze nk’igikorwa cyo kutagira imbereka no kubaha ubuyobozi bwa Perezida Salva Kiir. Niwe perezida w’Inteko Ishingamategeko wa mbere weguye muri icyo gihugu kimaze imyaka umunani. Ishyaka SPLM ntiriratanga umusimbura.

Facebook Forum

XS
SM
MD
LG