Uko wahagera

Umujyi wa Kigali Uraburira Abakora Ingendo mu Masaha Yabujijwe


Rubingisa Pudence

Umujyi wa Kigali uraburira abantu bakora ingendo mu masaha yabujijwe, ubateguza ibihano mu gihe baba batisubiyeho. Amasaha batagomba kurenza ni sa mbili z’Ijoro.

Umuyobozi w’Umujyi wa Kigali, aganira n’Ijwi ry’Amerika, yasobanuye ko nubwo hashyizweho ubukangura mbaga bwibutsa abantu gusohoka ariko bakomeje kwirinda Covid -19, ku munsi wa mbere hagaragaye abahise bica ayo mabwiriza.

Mayer Rubingisa Pudence yasobanuye ibyo babonye ku munsi wa mbere, ndetse anibutsa abakomeza kwica amabwiriza ko hari ibihano.

Nyuma y’umunsi umwe abantu bemerewe kongera gusubukura imirimo yabo, hagaragaye ku mbuga Nkoranyambaga amafoto yabaraye bafashwe ngo bashyizwe muri Stade.

Umuyobozi w’umugi wa Kigali yahakanye icyo gikorwa, asobanura ko abafashwe bagiye baganirirwa mu matsinda.

Amabwiriza yo gutaha mbere ya sa mbili z’ijoro ni mashya, ugereranyije nandi abantu bari bamenyereye yo Kuguma mu rugo.

Inama y’abaminisitiri yo kuwa 30 Mata 2020, yanzuye ko ingendo zibujijwe guhera saa mbiri z’ijoro kugeza saa Kumi n’imwe za mu gitondo keretse uwabiherewe uburenganzira ku mpamvu zikomeye.

Ubuyobozi bw’Umujyi wa Kigali, buvuga ko buzakomeza gukomeza ubukangurambaga ku baturage batuye uyu mugi, ariko bukanemeza ko abazakomeza kwica amabwiriza bazabihanirwa.

Inkuru yateguwe na Assumpta Kaboyi

Umujyi wa Kigali Uraburira Abakora Ingendo mu Masaha Yabujijwe
please wait

No media source currently available

0:00 0:03:43 0:00


Facebook Forum

XS
SM
MD
LG